Videos

PRIME TIME 8 PM NEWS_2077_06_13 – NEWS24 TV (Video)



कोरोना भाइरसको संक्रमणको दर निरन्तर उकालो लागेको छ । एक महिनाको अन्तरालमा संक्रमितको संख्या मात्र नभई मृत्यु हुनेको संख्या केलाउँदा यसको रफ्तार रोकिएको छैन । भदौ १ गतेसम्म देशभर १ सय ७ जनाको मृत्यु भएको थियो भने संक्रमितको संख्या २७ हजार २ सय ४१ थियो । तर, असोज १ गतेसम्म अर्थात् १ महिनामा मृतकको संख्या २ सय ७६ ले बढेर ३ सय ८३ पुग्यो भने संक्रमित ३२ हजार ३ सय ३२ जना थपिए । र, असोज १३ गतेसम्म आइपुग्दा मृत्यु हुनेको संख्या ४ सय ९१ पुगेको छ । अर्थात् १३ दिनमा थप १ सय ८ जनाले ज्यान गुमाएका छन् । र, संक्रमितको संख्या पनि १६ हजार ६ सय ८५ ले बढेर ७६ हजार नाघेको छ । अझ, चाडपर्व नजिकिएका छन् अबको १८ दिनमा महान पर्व दशैं सुरु हुँदैछ । संक्रमितको संख्या थप बढ्नेछ । त्यसतर्फ सरकारी योजना र रणनीति देखिँदैन । संक्रमण रोक्न हात उठाइसकेको सरकारी मानसिकताले पनि अवस्था भयावह उन्मुख देखिन्छ ।

प्राइम टाइम न्यूजका हेडलाइन्स ।

१. कोरोना नियन्त्रणमा आउने छाँटकाँट देखिएन, एकैदिन १५ सय १३ संक्रमित थपिए, सरकार भन्छ– उपत्यकामा सरकारी तथा गैरसरकारी संस्थाका कारण संक्रमण फैलियो ।

२. मन्त्रिपरिषद पुर्नगठनको गाँठो फुकेन, अध्यक्षद्वय आ–आफ्नै दाउमा, पुरै सेट परिवर्तन गर्नुपर्ने प्रचण्डको प्रस्तावमा ओली असहमत ।

३. सिन्धुपाल्चोकस्थित तातोपानी नाका असोज १९ गतेदेखि सञ्चालनमा आउने, श्रमिकको ५÷५ दिनमा पीसीआर परीक्षण गरिने ।

४. ब्रोइलर कुखुराका चल्लालाई मेहेन्दी लगाएर लोकल भन्दै बिक्री गर्ने चार भारतीय पक्राउ, रङ्ग लगाउन बाँकी २८ हजार ६ सय चल्ला बरामद ।

५. र, दोलखाको सैलुङ गाउँपालिकाले सडक प्रयोग गरेबापत सवारीसाधनबाट चर्को शुल्क उठाउँदै, आर्थिक श्रोत नभएकाले सवारी कर उठाइएको अध्यक्षको गैरजिम्मेवार जवाफ ।

SUBSCRIBE :http://www.youtube.com/user/news24tvchannel
WEBSITE : WWW.NEWS24NEPAL.TV

#News24Nepal #SidhaKuraJanataSanga #PrimeTimeNews

Related Articles

Back to top button
We would like to show you notifications for the latest news and updates.
Dismiss
Allow Notifications

Adblock Detected

Please consider supporting us by disabling your ad blocker